हात्ती मसाज

ब्राजिलमा सर्प मसाजपछि थाइल्यान्डमा हात्ती मसाज अहिले चर्चामा छ　। हात्ती मसाजको मजा लिन विश्वभरिका पर्यटक अहिले थाइल्यान्डको पटाय पुगेका छन्　। यो मसाजका लागि सानो कदका हात्ती प्रयोग गर्ने गरिएको छ　। हात्तीले आफ्नो सुँढ र खुट्टाको सहायताले मसाज गर्छ　। यसका लागि हात्तीलाई विशेषप्रकारको प्रशिक्षण दिइएको छ　।

मसाज गराइसकेका पर्यटक भन्छन्, 'यसले शरीरको दुखाइ जान्छ　। शरीर फुरुंग हुन्छ　।' मसाजका लागि तेल या क्रिमको प्रयोग गरिएको छैन　। हात्तीको स्पर्शबाट पर्यटक मसाजको मजा लिन सक्छन्　। हात्तीले संवेदनशील अंगको मसाज सुँढले तथा कडा अंगमा खुट्टाले मसाज गर्ने गरेको छ　। यी हात्तीलाई ब्युटिसियनको संज्ञा दिइएको छ　। हात्तीलाई जर्मनका नागरिक बोडो एम्स फोयस्टर्सले प्रशिक्षण दिएका थिए　। उनी उत्तरी थाइल्यान्डस्थित आफ्नो क्याम्पमा हात्तीलाई प्रशिक्षण दिन्छन्　। उनलाई हात्ती समझदार जनावर लाग्छन्　। 'हात्ती मानिसका भाषा सजिलै बुझ्छन्　। यिनीहरूलाई १०० देखि ८० निर्देशन याद हुन्छ,' उनी भन्छन्　।

यति मात्रै होइन, यहाँ हात्तीलाई चित्रकारिताको पनि प्रशिक्षण दिइन्छ　। यिनीहरूले पेन्ट गरेको टिसर्ट मात्र आठ सयदेखि एक हजार ६ सयसम्ममा किन्न सकिन्छ　।