बीबीसीले नेपाली भाषाको रेडियो प्रसारण बन्द गर्ने

बेलायती प्रसारण संस्था ब्रिटिस ब्रोडकास्टिङ कर्पोरेसन-बीबीसी)बाट रेडियोको शाँर्टवेभमा नेपाली भाषामा प्रसारण भइरहेको कार्यक्रम मार्च महिनासम्ममा बन्द हुने भएको छ । नेपालीसंगै हिंदी,इंडोनेशियाई,स्वाहिली,किर्गिस र ग्रेट लेक्स भाषाको प्रसारण बन्द गर्ने बीबीसले निर्णय लिएको छ ।

बेलायती विदेश मन्त्रालयबाट पाउँदै गरेको अनुदानमा १६ प्रतिशतले कटौती भएपछि बीबीसीले उक्त निर्णय लिएको हो । ६ सय ५० कर्मचारीलाई हटाएर बीबीसीले केही सेवा बन्द गर्न लागेको छ । बीबीसीको उक्त निर्णयपछि मैडरिन,तुर्की,रुसी,युक्रेनी,स्पेनिश,अजेरी र वियतनामी भाषाको रेडियो प्रसारण पनि बन्द हुनेछ । बन्द हुनेमा मेसेडोनियन,अल्बनियन र सर्बियन सेवा पनि छन् ।

यसैगरी बन्द हुनेमा अफि्राकाका लागि पोर्तुगिज सेवा तथा क्यारेबियन क्षेत्रका लागि प्रसारण हुँदै आएको अंग्रेजी प्रसारण सेवा पनि छन् । यसबाट बीबीसी विश्व सेवाको वाषिर्क ४करोड ४६ लाख पाउन्ड खर्च घट्ने अधिकारीहरुले बताएका छन् । बीबीसीका उपभोक्ता तथा पत्रकारहरुले सेवा कटौती गर्न नहुनेमा जोड दिएका छन् ।

बीबीसी वल्र्ड सर्विसका प्रमुख पीटर हाँराँक्सले सरकारी अनुदानमा गरिएको कटौतीका कारण यस्तो निर्णय लिनुपरेको बताएका छन् । उनले वल्र्ड सर्विसका सेवाहरु कायम रहने बताए । बीबीसीले अनलाइन र मोबाइल मार्फत आफ्नो नयाँ बजार विस्तार गर्ने तयारी गरेको छ ।