शितलहरले लियो दुई बृद्धाको ज्यान

गौरीशंकर गाबिस-९ की ६० वर्षिया अनारदेवी पाठक र शंकरपुर गाबिस-९ की ६५ वर्षिया इन्द्रमाया लुंगेलीको जाडोका कारण मृत्यु भएको जिल्ला प्रहरी कार्यालयले जनाएको छ ।
शितलहरसँगै दिनभरी चल्ने चिसो सिरेठोले यहाँको जनजीवन दिनप्रतिदिन कष्टकर बन्दै गएको छ । सिमसिमे पानी जस्तै आकासबाट लगातार शित झरीरहेको छ ।
आज समेत चारदिनको अबधिमा यहाँ जाडोले मृत्यु हुनेको संख्या १० पुगेको छ । लगातार जाडो बढ्दै गएपछि जिल्ला वन कार्यालयको सहयोगमा प्रहरीले जिल्लाभरी आगो ताप्न दाउरा बितरण गरिरहेको छ ।
जाडोका कारण चोक बजार तथा गाउँ घरमा समुह बनाएर आगो ताप्दै गरेको देखिनु सामान्य जस्तै भएको छ । प्रत्येक बजारमा मुढा सल्काएर आगो ताप्दै गर्नेको भिड बढेको छ ।