नाटक खेल्दाखेल्दै कलाकारको मृत्यु

नाटक हर्ेर्नेको भीड थपिदै थियो । नाटकको प्रमुख आकर्षा राम-रावणको युद्धको दृश्य आउनै लागेको उद्घोषणा गरेपछि नाटक हर्ेन आएका सयौं उत्साहित युवाले ताली बजाएर गाउँ नै गुञ्जयमान बनाए ।

आयोजकले मञ्चको पर्दा उठाए । र, शुरु भयो राम-रावण युद्ध । युद्धको दृश्यबाट उत्साहित दर्शकले ताली माथि ताली थप्दै गए । अचानक उनीहरुको ताली र उत्साह रोकियो ।

शिवरात्रीको अवसरमा सप्तरीको डिमन-९ मा गाउँलेद्वारा मंगलबार राती आयोजना गरिएको रामलीला नाटक मध्यरातमा राम-रावणको युद्धमा पुग्दा अचानक एउटा स्तब्धकारी घटनाले दर्शकहरुको ताली र उत्साह रोकियो ।

राम-रावण युद्धको क्रममा रामले चलाएको तीर लागेर रावण मञ्चमै ढलेको दृश्यलाई दर्शक र आयोजकले नाटक कै एक हिस्साको रुपमा लिएका थिए । तर त्यो अभिनय थिएन । साँच्चै नै रावणको पहिरनमा सशक्त अभिनय गरिरहेका सप्तरीको मल्हनियाँ-७ निवासी ६० वषर्ीय सियाअतन मंडलको मृत्यु भइसकेको थियो ।

रामले चलाएको कागजको नक्कली तीर लागेर मरेको अभिनय गरिरहेका मंडलको साँच्चिकै मृत्यु भएपछि मञ्चमा खैलाबैला मच्चियो । मञ्चमै एक नाट्यकर्मीको यसरी मृत्यु भएपछि आयोजकले तत्कालै रामलीला नाटक स्थगित गरेका थिए ।

त्यसपश्चात मंडललाई नजिकैको स्वास्थ्य चौकीमा पुर्‍याइएको थियो । जहाँ चिकित्सकले उनलाई मृत घोषित गरे । कागजको नक्कली तीर लागेर ढलेको मण्डलको मृत्यु भने हृदयघातबाट भएको चिकित्सकहरुले बताए । मृतकको शवको बुधबार स्थानीय सगरमाथा अंचल अस्पतालमा पोष्टमार्टम गर्राई आफन्तजनको जिम्मा लगाइएको छ ।

प्रहरी उपरीक्षक भोग बहादुर थापाले घटनाबारे गाउँमै पुगी सूक्ष्म अनुसन्धान गरेको र मंडलको कालगतिले नै मृत्यु भएको खुल्ने आएको बताए ।

गाउँलेहरुले पनि मंडल लामो समयदेखि बिरामी रहेको र हृदयघातकै कारण उनको मृत्यु भएको बताए ।
यता धार्मिक कार्यक्रममा आयोजना गरिएको नाटकमा एक नाट्यकर्मीको स्टेज मै भएको दुःखद निधनले पुरै गाउँ शोकमा डुबेको छ । 'एउटा राम्रो नाट्यकर्मी गुमाएका छौं र यसले हामीलाई निकै निराश र दुःखी बनाएको छ' गाउँलेहरुले पीडा पोखे ।