शरीरभरि रौँ

आठवर्षे बालक, त्यसमा पनि शरीरभर िरौँ उमि्रएको सुन्दा अनौठो लाग्न सक्छ। तर, पत्थरहैया-८, ज्योतिनगर कपिलवस्तुका पुष्कर कुँवरको शरीरभर िरौँ पलाएको छ। त्यसैले त ती बालकलाई हेर्न मानिसहरूको घुइँचो नै लाग्छ।

जन्मँदा नै शरीरभर िरौँ भएको बुबा खिमबहादुर बताउँछन्। "सुरुमा त हामीलाई निकै डर लाग्यो। के अनिष्ट हुन थाल्यो। भूत हो कि के हो जस्तो लागेको थियो," उनी भन्छन्, "पछिपछि धेरैले भगवान्को रूप हो भन्न थाले। त्यसपछि मनमा शान्ति मिल्यो।"

ती बालकमा शिवजी, हनुमान र गणेशको रूप भएको खिमबहादुरको भनाइ छ। "जोखाना हेराउँदा सबैले यही भनेका छन्," उनी भन्छन्, "त्यसअघि एउटा मन्दिर बनाउने योजना

बनाएको छु।"

डाक्टरलाई जाँच गराउँदा पनि केही रोग नभएको भनेर फर्काइदिने गरेको उनी बताउँछन्। तीन भाइमध्येका जेठा छोरा पुष्कर अहिले गाउँदेखि जिल्लाबाहिरसम्म चर्चाको विषय बनेकामा उनी निकै खुसी छन्। उनले छोरालाई विभिन्न पर्यटकीय मेलाहरूमा राखेर मानिसहरूलाई देखाउने गरेका छन्। हेर्न आउनेहरू भगवान् ठानेर भेटी चढाएर ढोग्छन्।