एसएलसी सुरु हुनु भन्दा ३० मिनेट अगाडि नै अंग्रेजी विषयको प्रश्नपत्र आउट गर्ने एक केन्द्राध्यक्षसहित १६ जनालाई मोरङ प्रहरीले बिहीबार विहान बिराटनगरको एक्सल एकेडमी ट्यूसन सेन्टरबाट पक्राउ गरेको छ।
केन्द्राध्यक्षको मिलोमत्तोमा ट्यूसन सेन्टरमा पुर्याइएको प्रश्नपत्रको फोटोकपी गर्ने क्रममा प्रहरीले उनीहरुलाई पक्राउ गरेको हो।
बिहान ८ बजेदेखि सुरु हुने एसएलसी परीक्षाको प्रश्नपत्र विराटनगरको स्टार बोर्डिङ स्कूल केन्द्रका केन्द्राध्यक्ष डा.उद्धव पोखरेलको मिलोमत्तोमा साढे ७ बजे नै ट्यूसन सेन्टरमा पुर्याइएको थियो। मोरङका प्रहरी उपरीक्षक दिपक थापाका अनुसार परीक्षा अगाबै आउट गरिएको प्रश्नपत्रको फोटोकपी भइरहेकै बेला उनीहरुलाई पक्राउ गरिएको हो।
प्रश्नपत्र फोटोकपी भइरहेको अवस्थामा ट्यूशन सेन्टरकै शौचालयमा लुकाइराखिएको उत्तर पुस्तिका समेत प्रहरीले बरामद गरेको छ।
केन्द्राध्यक्ष डा. पोखरेल स्टार बोडिङका प्रिन्सीपल तथा ट्यूसन सेन्टरका सञ्चालक पनि हुन। स्टार बोडिङ स्कूल केन्द्रमा परीक्षा दिइरहेका प्राइभेट परीक्षार्थीहरु विराटनगरका चारवटा ट्यूसन सेन्टरका विद्यार्थी हुन्। ग्यारेन्टी उत्तीर्ण गराइदिने भनेर ती ट्यूसन सेन्टरहरुले परिक्षार्थीहरुबाट मोटो रकम असुलेको आशंकामा प्रहरीले अनुसन्धान थालेको छ।
प्रश्नपत्र आउट गर्नमा सहयोग गर्ने ट्यूसन सेन्टरहरुमा एक्सल एकेडमी, आइडियल एजुकेशन सेन्टर, रोयल स्टार ट्यूसन सेन्टर, पूर्वाञ्चल एजुकेशन सेन्टर रहेका छन्। केन्द्राध्यक्ष डा.कोइरालासहित पक्राउ पर्नेहरुमा सरोज भट्टराई, रञ्जन शाही, मित्र धमला, प्रशान्त श्रेष्ठ, निलम प्रधान, बिनोद खड्का, उपेन्द्र मण्डल, युवराज बास्तोला, राम थानदार, सौरभ खरेल, अनुज दाहाल, भिष्म धमला, गौरब राजवंशी, हिरा ढकाल र दुर्गा पौडेल रहेका छन्।
म श्री एडम्स केविन, Aiico बीमा ऋण ऋण कम्पनी को एक प्रतिनिधि हुँ तपाईं व्यापार लागि व्यक्तिगत ऋण आवश्यक छ? तुरुन्तै आफ्नो ऋण स्थानान्तरण दस्तावेज संग अगाडी बढन adams.credi@gmail.com: हामी तपाईं इच्छुक हुनुहुन्छ भने यो इमेल मा हामीलाई सम्पर्क, 3% ब्याज दर मा ऋण दिन
ReplyDelete