बलिउड नायिका करिना कपुरलाई एक भारतीय पत्रिकाले ‘सर्वाधिक सेक्सी’ उपाधि दिएको छ । बलिउडमा सफल अभिनेत्रीमध्ये एक करिनाले आफूलाई सो उपाधि अनौठो लागे पनि स्वीकार्य रहेको बताएकी छन् ।
बलिउडसँग सम्बन्धित पत्रिका ‘स्टारडस्ट’ ले करिनालाई सर्वाधिक सेक्सी महिलामा चुनेको हो । सो पत्रिकाका अनुसार पाठकको मतका आधारमा करिनालाई सो उपाधि दिइएको हो । सर्वाधिक सेक्सी १० महिलामध्ये करिना शीर्ष नम्बरमा रहेकी छन् ।
करिना भन्छिन्, ‘म आफूलाई ग्ल्यामर्स त मान्छु तर आफूलाई सर्वाधिक सेक्सी भनिएकोमा भने अनौठो लागिरहेको छ ।’ यद्यपि पाठक मतका आधारमा पत्रिकाले आफूलाई सो उपाधि दिएकाले कुनै आपत्ति नभएको उनले बताइन् ।
उनले आफूलाई साडी लगाउन ज्यादा मन पर्ने पनि बताइन् । ‘साडीमा महिला बढी कामुक देखिने भएकाले म बाहिर जानुपर्दा प्रायः साडी लगाउने गर्छु,’ उनले भनिन्, ‘सैफले पनि मलाई साडी लगाउन सल्लाह दिने गरेका छन् ।’
करिनाले बलिउडमा सबैभन्दा सेक्सी पुरुषका रूपमा आफ्नै प्रेमी सैफको नाम लिएकी छन् । केही वर्षदेखि सैफसँगको प्रेममा मस्त रहेकी करिनाले भनिन्, ‘मलाई सैफ नै सबैभन्दा सेक्सी लाग्छ ।’ त्यसपछि भने उनले अमिर खान र अजय देवगणलाई सर्वाधिक आकर्षक पुरुष मानेकी छन् ।
उनले भनिन्, ‘म अमिर र अजयको ठूलो प्रशंसक पनि हुँ ।’ त्यसो त करिना अमिर खानका साथ एक चलचित्रमा काम गरिरहेकी छन् । ‘थ्री इडियट्स’ पछि करिना र अमिरले सँगै काम गरेको यो दोस्रो चलचित्र हो ।
‘मलाई मनपर्ने अभिनेतामा अमिर खान एक हुनुहुन्छ, उहाँसँग पुन: काम गर्न पाएकोमा म धेरै खुशी छु,’ उनले भनिन् ।
रिमा कागतीले निर्देशन गर्ने सो चलचित्रमा रानी मुखर्जीले पनि अभिनय गर्दैछिन् । सो चलचित्र सन् २०१२ मा प्रदर्शन हुने सम्भावना रहेको छ ।
म श्री एडम्स केविन, Aiico बीमा ऋण ऋण कम्पनी को एक प्रतिनिधि हुँ तपाईं व्यापार लागि व्यक्तिगत ऋण आवश्यक छ? तुरुन्तै आफ्नो ऋण स्थानान्तरण दस्तावेज संग अगाडी बढन adams.credi@gmail.com: हामी तपाईं इच्छुक हुनुहुन्छ भने यो इमेल मा हामीलाई सम्पर्क, 3% ब्याज दर मा ऋण दिन
ReplyDelete