मानिसको दिसाबाट कृतिम मासु

खाद्यन्न संकट अहिले विश्व समूदायकै ठुलो चुनौति बनेको छ । बढ्दो जनसंख्या, मरुभूमिकरण र कृषि उत्पादनमा आएको हृासका कारण भोगमरीबाट ग्रसित हुने मानिसहरुको संख्या दिनानुदिन थपिदै छ । यसै परिप्रेक्ष्यमा खाद्यन्य उत्पादन र सुरक्षा विभिन्न देशका सरकारको उच्च चासोको विषय बनेको छ । खाद्यन्न समस्याको यस्तो विकराल परिस्थितीमा एक जापानी अनुसन्धानकर्ताले मानिसको दिसाबाट कृतिम मासु उत्पादन गरी प्रसंसनिय काम गरेका छन् ।

मानिसको ट्वाइलेट खेतीपाती तथा ग्याँस उत्पादनमा प्रयोग भएको त सुनेको, देखेकै हो । तर यस्तो घिनलाग्दो बस्तुबाट पनि खान योग्य चिज बनेको चाहि सायद विश्वमै पहिलो घटना हो । जापानमा ढलले लतपतिएको माटोमा उल्लेख्य मात्रामा पाइने प्रोटिनलाई प्रोसेसिङ गरी कृतिम मासु बनाइएको ओकायामा प्रयोगशालाका बैज्ञानिकले बताए । माटोमा रहेको ब्याक्टेरियाहरुमध्ये धेरै मानिसको दिसाबाट आउने उनले प्रष्ट पारे ।

उत्पादनका क्रममा ब्याक्टेरियाहरुलाई अधिकतम ताप दिइने हुदा स्वास्थ्यलाई नकरात्मक असर नगर्ने र यसको स्वाद गाइको मासु खाएजस्तो हुने उनले थपे । रातो फुड कलरले कृतिम मासुलाई प्राकृतिक रङ्ग दिएको छ । पौष्टिक तत्वको हिसाबले उक्त मासुमा ६३ प्रतिसत प्रोटिन, २५ प्रतिसत कार्बोहाइड्रेड, ९ प्रतिसत मिनरल र ३ प्रतिसत लिपिड रहेको दाबी गरिएको छ । यो कृतिम मासु खाद्यन्न संकटको राम्रो सावधान हुने धेरैले अनुमान गरेका छन् । तर दुर्गन्धित दिसाजस्तो वस्तुबाट बनेको उत्पादन कतिले उपभोग गर्ने हुन्, यसमा भने शङ्का नै छ ।

Onlinekhabar.com