अमेरिकामा बुबु देखाउने दिवस

दिवस पनि थरीथरीका ! अमेरिकामा हिजो मात्र बुबु (स्तन) देखाउने दिवस मनाइएको छ । झण्डै ९० वर्षअघि महिलाले भोट हाल्ने अधिकार पाएको दिनको सम्झनामा अमेरिकामा हरेक वर्ष अगष्ट २१ मा राष्ट्रिय स्तन देखाउने दिवस (नेशनल टपलेस डे) मनाउने गरिएको छ ।
अचम्म लाग्न सक्छ, भोट हाल्न पाएको दिनको सम्झनामा किन स्तन देखाएर दिवस मनाउनु ? झनै सभ्य भएर थप अधिकारकोे माग गर्नुपर्ने हो । तर दिवस मनाउने हरुले अनौठो तर्क पेश गरेका छन् । उनीहरु भन्छन् जसरी मताधिकारको मामिलामा पुरुष र महिलाबीच समानता छ त्यसैगरी सरिरका अंग देखाउन पाउने सबालमा पनि महिलालाई पछि पारिनु भएन । अर्थात् पुरुषले जस्तै खुलेआम छाति खोलेर स्तन देखाएर महिला हिड्न पाउनुपर्यो ।

अमेरिकाका विभिन्न सहरमा स्तन देखाउने दिवस अगष्टको अन्तिम हप्ता सप्ताहव्यापी रुपमै मनाउने गरिएको छ । महिलालाई स्तन देखाएर हिड्न छुट भएका न्यूयोर्क, वासिंटन तथा पोर्टल्याण्ड लगायतका सहरमा मात्र होइन नग्नता प्रतिबन्धित रहेका शिकागो, मियामी तथा सन फ्रान्सिस्को जस्ता सहरमा पनि धूमधामसित स्तन देखाउने दिवस मनाइन्छ । रोचक कुरा दिवसका अवसरमा छाति नांगै गराएर र्‍याली निकाल्ने महिलाको हुलमा पुरुषहरु पनि थपिएका हुन्छन् । र्यालीमा बोकिएका प्लेकार्डमा लेखिएको हुन्छ, पुरुषले देखाउँछन् भने हामीले किन ढाक्नु ?

Onlinekhabar.com