साइको प्रेमिको करामत

प्रेममा ब्यक्ति कतिसम्म साइको हुने रहेछ भन्ने एक घटनाले देखायो। पढ्न बेलायत गएको समयमा नेपालमा रहेकी प्रेमिका अर्को युवकसंग घनिष्ठ भएको सुईको पाएका २१ वर्षिय साइको प्रेमी सुभाष उप्रेतीले प्रेमीहरुको बदनामै गरे आफ्नै प्रेमिकाको हत्या गराएर। आवेगको आक्रोश रोक्न नसक्दा अहिले उनीे प्रहरी खोरमा छन्। उनकी २१ वर्षिय प्रेमिका रोजी महर्जनको कुहिएको शब पोष्टमार्टम गृहमा छ।

घटनाको मुख्य कारण नै शंका बन्यो। करिव २ वर्षदेखी अफेयर चलिरहेको थियो यि दुबैविच। प्लसटुमा जोडिएको सम्बन्ध विविए पढ्दासम्म जारी रहेछ। उप्रेती विचैमा पढाई छाडेर युके गए पढ्न। तर, त्यतापनि टिक्न सकेनन् उनी र नेपाल आए।

उनी युके गएपछी रोजीको नयां युवकसंग मित्रता गासियो। सुभाष नेपाल आएपछी उनका साथीहरुले चै अफेयर नै चलेको छ भनिदिएछन्। जसवाट उनको मनमा आफुले धोका पाएको अनुभव गरी सुसाईड गर्ने प्रयास गरे। तर, उनी बांचे। तर,आफैंले माया गर्ने प्रेमिकालाइ भने बांच्न दिएनन्।

उनले प्रेमिकाको हत्याका लागी मोटरसाईकल वेचेर अपराधि समुहलाई सुपारी दिएछन् एक लाख ७५ हजारमा। अनी हत्याका लागी सहज वातावरण बनाउन डेटिगं जाउं भन्दै ललितपुर लेलेको जंगलमा पुर्‍याएर कञ्चटमा गोली हानेर जीवन लिला समाप्त पारे प्रमिकाको। अनी लास जंगलमा छाडेर घरमा आरामले बसे।

प्राय अपराधको योजना बनाउनले आफु जोगिने बाटो पनि तयार पारेका हुन्छन् पहिलानै। तर,त्यो त्यत्ति परिपक्व हुन्न। उनले पनि योजना बनाईका थिए जोगिन। उनले प्रेमिकाको मोवाईलवाट उनका दाजुलाई एसएमएस पठाएर ३० लाख रकम मागे। अनीसंगै अनलाइनमा बसेर साथीहरुसंग च्याट गरेर बसे। एक त प्रहरीले आफुलाई फेलै नपार्ने र फेला पारेपनी त्यो बेला आफु घरमै बसेको बहाना गरेर सहजै फुत्किनसक्ने उनको निष्कर्ष रहेछ। तर, घटनाकै दिन बेलुका उनी प्रहरीको फन्दामा परीहाले।

तर, उनको दोस्रो योजनाले काम गर्यो। रोजीको शब मध्य जंगलमा सडिरहेको थियो। तर प्रहरी उनी जिउंदै छिन कि मरिसकिन् भन्ने पत्तो थिएन। शंकाको भरमा समातेपनि सुभाषले उनको हत्या गरेको भन्ने प्रहरीले सोचेको पनि थिएन।

पक्राउ परेको ६ दिनसम्म पनि प्रहरीले केही फुत्काउन सकेन सुभाषवाट। उनले अनेक बहाना बनाएर अनुसन्धानमा खटिएको प्रहरीलाई घुमाईरहे। प्रहरी घुमिरह्यो। मंगलवार बेलुका अनुसन्धानकर्ता प्रहरीले गफैगफमा सोधिदिए–अब त केटी ज्युदै छैन होला है? सुभाषको मुखवाट फुत्त फुत्कियो–अ छैन।

यही एक शब्द काफि भयो अनुसन्धानमा खटिएका डिएसपी ह्दय थापा अनी सोमेन्द्र राठौरका लागी। केरकार शुरु भयो भब्य। तैले कसरी ज्युदै छैन भनिस् ल भन भन्दै प्रहरीले सोध्न थालेपछी सुभाष टिक्न सकेनन् र आफ्नो प्रेमिकाको हत्या गरेको स्विकार गरे। प्रहरीले मध्यरात जंगलमा पुगेर शब फेला पार्यो। अनी घटनामा संलग्न अन्य तीन जनालाई पनि पक्राउ गर्यो। तर, २ जना भने फुत्कीसकेका थिए।

घटना योजना
हत्यामा सुभाषसंगै संचित खडका, कुमार तामाङ्ग र राजु लोहार समेत संलग्न थिए। उनीहरुले ३ हप्ता अगाडी रोजीको अपहरण गरी फिरौती लिने र फिरौती पश्चात हत्या गर्ने योजना बनाएका थिए। सुभाष र कुमार तामाङ्ग हत्याको एक दिन अगाडि साउन १९ गते लतिपुरको नल्लुको जंगलमा गएर हत्या गर्न सजिलो हुने ठाउं हेरेर आए।

२० गते सुभाषले प्रेमीका रोजीलाई विहान ११:०० बजे लेलेमा डेटिंग जाउं भन्ने प्रस्ताव राखे। उनले पनि प्रेमिमाथी विश्वास गरिन। अनी एकान्त स्थानमा कुममा टाउको राखेर प्रेमका मिठा गफ गर्ने मुड बनाएर उसको मोटरसाईकलमा बसिन। उता तयारी अर्कै थियो। कुमार, राजु र संचितले दुबैलाइ अर्को मोटरसाईकलवाट फलो गरिरहेका थिए।

लेले पुगेपछि सुभाषले बाईक रोक्यो। पछाडी बसेको रोजीलाई राजुले कन्चटमा गोली हान्यो। उनी त्यही ढलीन। अनी दुबैले शब उठाएर जंगलको भित्री भागमा लगेर फालिदिए।

हत्याको कारण
सुभाष उप्रेतीले आफ्नो प्रेममा दरार उत्पन्न भए पश्चात अपराधीक मनस्थिती भएका व्यक्तिहरु संग सम्पर्क बढाई आफ्नो प्रेमीकाको हत्या गर्ने र सोही क्रममा फिरौती रकम समेत असुल गरी बाड्ने योजना बनाएका थिए।

त्यसै अनुसार सुभाषले २५ हजार कुमार तामाङ्गलाई एडभान्स दिइसकेका थिए हत्याका लागी। काम भए पश्चात फिरौती रकम प्राप्त गर्न नसकेकोले सुभाषले कुमार र अन्य केटालाई थप १ लाख पचास हजार दिएर शुरक्षित बस्नु भन्दै घर फर्किएका थिए। तर उनी शुरक्षित हुन सकेनन्।

हत्याको प्रकृती अनुसार आवेगपुर्ण र योजनावद्ध हुने गरेका छन्। आफ्ना प्रिय ब्यक्तिहरुको हत्यामा संलग्न भएकाहरुले प्राय आवेगमा आउंदा हत्या गरेका घटनाहरु सार्वजनिक हुने गरेपनी सुभाषको केसमा भने त्यस्तो देखिएन। जुन युवती नहुंदा आफ्नो जीवन खल्लो हुने आभाष गर्दै आफ्नै जीवन समेत समाप्त गर्ने प्रयास गरेका उनले उनैको योजनावद्ध हत्या गरे।

उनको मुर्खताका कारण जीवन के हो भन्ने पूर्ण अनुभव गर्नु अगाडि नै युवतीको जीवननै समाप्त भयो। जीवनका आगामी गोरेटाहरु सहज बनाउन अध्ययन र सिप विकास गर्ने उमेरमा उनी पनि आफैं बन्दी भए। प्रहरीले बुधवार सार्वजनिक गरेको घटना विवरण अनुसार उनी हत्याको मुख्य योजनाकार हुन। यसमानेमा अब कमसेकम ७ वर्ष उनको जिवन जेलमा वित्नेछ। २८ वर्षमा उनी कारागारमुक्त भएपनी हत्याको कलंकले छाड्ने छैन उनलाई। त्यसमा पनि आफ्नो प्रिय ब्यक्तिको अनाहकमा जीवन समाप्त गरेको प्रायश्चितले पनि उनलाई सुखसंग पक्कै बांच्न दिंदैन।

आवेगलाई थेग्न नसक्दा उनको जीवन त बर्बाद भयो नै। आफ्ना २ जना साथीको भविष्यमाथी समेत खेलवाड गरे। यो पश्चातापले पनि उनलाई पोल्ने छ पक्कै। घटना सम्झदा उनलाई पश्चाप हुनेनै छ एकदिन। तर, समय वितिसकेपछी पश्चाताप गरेर के गर्ने?

hamroblog.com