नागपुरमा शनिबार हुने भारत र दक्षिण अफ्रिकाबीचको विश्वकप क्रिकेट म्याचमा बलिउड फिल्म 'दम मारो दम'को शीर्ष गीत सार्वजनिक हुने भएको छ। ४५ हजारभन्दा बढी दर्शकको उपस्थिति रहने हुनाले विमोचन समारोहमा फिल्मका कलाकारहरू अभिषेक बच्चन, प्रतीक बब्बर, राना दग्गुबात्ती, विपाशा बसु र आदित्य पञ्चोली लगायत सहभागी हुनेछन्।
देव आनन्दको फिल्म 'हरे राम हरे कृष्ण'कै गीतको रिमिक्स हो 'दम मारो दम'को शीर्ष गीत। वर्षकै बहुप्रतीक्षित मानिएको गीतमा दीपिकाले अहिलेसम्मकै ग्ल्यामरस अभिनय गरेकी छिन्। गीत विमोचन खेलको मध्यान्तरमा स्त्रि्कनमा देखाइनेछ।
रोहन सिप्पीले निर्देशन गरेको फिल्म 'दम मारो दम' चैतको दोस्रो साता रिलिज हुँदैछ। निर्माता फक्स स्टुडियोका विजय सिंहले भने, 'बढीभन्दा बढी दर्शकमाझ प्रत्यक्ष पुग्नलाई हामीले नागपुरको खेलमा गीत सार्वजनिक गर्न लागेका हौं।'
फिल्ममा दीपिकाले यही गीतमा मात्र अभिनय गरेकी हुन्। उनले चार दिन लगाएर यो गीतको सुटिङ सिध्याएकी थिइन्। सुटिङपछि उनको थकान मेटाउन फिजियोथेरापिस्टको सहयोग लिइएको थियो।
विश्वकपको दौरानमा गीत सार्वजनिक गर्ने योजना फिल्म युनिटले पहिलेदेखि नै सोचेको भने थिएन। 'गीतमा दीपिकाले लिएको गेटअपको फोटो सार्वजनिक गर्दा मिडियाबाट राम्रो प्रतिक्रिया पाएपछि यसलाई धेरैभन्दा धेरै दर्शकका अगाडि सार्वजनिक गर्ने सोच पलाएको हो,' निर्देशक सिप्पीले भने।
यसअघि खेलकै दौरानमा दीपिकाले प्रत्यक्ष नृत्य देखाउने कार्यक्रम समेत तय गरिएको थियो। तर, भोपालमा 'आकर्षण' फिल्मको सुटिङमा व्यस्त रहेकीले दीपिकालाई पूर्वाभ्यासको समय मिलेन। र, दीपिकाको नृत्य रद्द भएको छ। उनी सार्वजनिक हुने दिनमात्रै नागपुर आइपुग्नेछिन्।
म श्री एडम्स केविन, Aiico बीमा ऋण ऋण कम्पनी को एक प्रतिनिधि हुँ तपाईं व्यापार लागि व्यक्तिगत ऋण आवश्यक छ? तुरुन्तै आफ्नो ऋण स्थानान्तरण दस्तावेज संग अगाडी बढन adams.credi@gmail.com: हामी तपाईं इच्छुक हुनुहुन्छ भने यो इमेल मा हामीलाई सम्पर्क, 3% ब्याज दर मा ऋण दिन
ReplyDelete