आमाद्धारा छोराको हत्या

खलंगा ६ स्यानीपनेरी निवासी एक २५ बर्षिया महिलाले आफनै ६ महिने छोराको हत्या गरेकी छिन् । २५ बर्षिया चिजमाली बिकले ६ महिने छोरा सुनिल बिक.को राति सुतेको समयमा घाँटी थिचेर हत्या गरेकी हुन् । चिजमाया बिकले छोराको हत्या गरेको बारेमा केही खुल्न सकेको छैन ।

समय समयमा पागलपनको दौरा पर्ने गर्दै आएकी उनले त्यसैका कारण हत्या गरेको हुन सक्ने आशंका गरिएको छ । तिन छोरी रहेकी चिजमाया बिकको सुनिल एक मात्र छोरा हुन् । उनले छोराको हत्या गरेको समेत प्रहरी सामु स्विकार गरेकी छिन् ।

छोराको हत्या गरेको अभियोगमा अहिले उनलाई प्रहरीले पक्राउ गरेको छ भने मृत सुनिलको पोष्टमार्टमका लागि जिल्ला अस्पताल लगिएको प्रहरीले जनाएको छ ।