हत्याको अभियोगमा जन्मकैद सजाय पाएका बिकिनी किलर फ्रान्सेली नागरिक चाल्र्स शोभराज साग बिहे गरेर चर्चा कमाएकी निहिता विश्वासले फेरी अर्को चर्चा कमाउने मेलो गरेकी छिन् ।
भारतको चर्चित टेलिभिजन सो बिग बोसको पाँचौ सस्करणमा भाग लिने निर्णय गरेर निहिताले सबैलाई आश्चर्य चकित पारेकी हुन् ।
अक्टोबरदेखि सुरु हुने बिग बोस ५ मा भाग लिन २२ वर्षे निहिता यहीँ सेप्टेम्बरको अन्त्यमा भारत जाने टाइम्स अफ इण्डियाले जनाएको छ ।
चर्चित व्यक्तिहरुलाई एकैठाउामा ल्याएर त कहिले विभिन्न विवादास्पद कुराहरुको कारण चर्चा कमाएको बिग बोसले निहिताको प्रवेश सागै यो पाला पनि थप चर्चा कमाउने पक्का छ । विश्वकै भयानक हत्याराको रुपमा रहेका चाल्र्स शोभराजकी श्रीमती निहिता बिग बोसमा अवश्य पनि आकर्षणको केन्द्र बन्नेछिन् ।
यसअघि चर्चित गुण्डा अबु सलीमकी गर्लपफ्रेन्ड मोनिका बेदीले पनि बिग बोसमा भाग लिएकी थिइन् ।
बिगतमा पनि विवादित सहभागिका कारण विवादमा पर्ने गरेको बिग बोस निहिताका कारण यो पटक पनि विवादास्पद बन्ने भएको छ । तर कलर्स टेलिभिजनको कार्यक्रम प्रमुख अस्विनी यार्दीले भने अहिले प्रतिस्पर्धीहरुको नामलाई अन्तिम रुप दिन लागिएकाले तत्काल अनुमानको भरमा आलोचना नगर्न आग्रह गरकी छिन् ।
Onlinekhabar.com
No comments:
Post a Comment