खानको लागि सधै मान्छेको मासु माग्ने एक अस्ट्रेलियाली महिलालाई आफ्नै श्रीमानले हत्या गरेका छन् । पत्नीलाई लिएर घुम्नको लागि इजरायल गएका ५४ वर्षका जोन पल सेबस्टियनले तेलअविवस्थित आफु बसेको होटलमै श्रीमतीको हत्या गरेका हुन् ।
हत्यापछि पक्राउ परेका उनले अदालतसामु दलील पेश गर्दै आफ्नी श्रीमतीले सधै मान्छेको मासु खान माग्ने गरेकाले हत्या गरेको बताए । पत्नीले मान्छेको मासु मागिरहने र ल्याउन नसके तँलाई मारेर मासु खान्छु भनेर धम्काएपछि आफुले आत्मरक्षाको लागि हत्याको विकल्प रोजेको जोनको दाबी छ ।
यद्यपि स्वास्नीमाथि नरभक्षीको आरोप लगाउने जोनको दाबी सही भए नभएको अझै पत्ता लागेको छैन । अदालतले उनको मानसिक अवस्थाको परिक्षणका लागि अस्पताल लैजान आदेश दिएको छ । जोनलाई अबको ८ दिनसम्म अस्पतालमा राखेर परिक्षण गरिएपछि मात्र उनको मानसिक अवस्था ठिक भए नभएको पत्ता लाग्नेछ र त्यसपछि मात्र स्वास्नी प्रतिको आरोप सही भए नभएकोबारे पनि अनुसन्धान गर्न सजिलो हुनेछ ।
Onlinekhabar.com
No comments:
Post a Comment