'हरहर महादेव छोरा देऊ'

सञ्चिता लुइँटेल भदौमा आमा बन्दैछिन्। त्यही भएर होला, सञ्चिताभित्र पहिलो सन्तान धर्तीमा ल्याउने छटपटी दिनानुदिन बढ्दैछ। हलिउडकी डेमी मुर गर्भवती भएका बेला न्युड तस्बिर खिचाएर चर्चामा आएकी थिइन्। नेपाली समाजमा न्युड फोटो नै खिच्ने चलन त आइसकेको छैन, तर आमा बन्न लागेको खुसी र उत्साहको एउटा क्षणलाई सामाजिक सञ्जालमा राखेर भए पनि सञ्चिता लुइँटेल उप्रेतीले गर्भावस्थाको रोमाञ्चक ढंगबाट आनन्द लिएकी छिन्। विदेशतिर गर्भवती हुँदा हरेक महिना पेटको उभार बढ्दै गएको तस्बिर खिचाइएको पाइन्छ। त्यही शैलीमा सञ्चिताले 'हरहर महादेव' लेखिएको पहेंलो वस्त्र लगाएर खिचाएको यो तस्बिरले उनको आमा बन्न लागेको खुसी र कौतूहलताको चित्रण गर्दैन त ? आखिर आमा बन्नु हरेक नारीका लागि गौरवको कुरा हो।